今日天氣好好，我同浩B就帶左凱晴去彭褔公園玩啦！

我地太約四點鐘去到，原先諗住唔會好多人，點知原來都幾多人去，同埋D人係去放狗，攪到彭褔公園超多狗，亞B就係咁望狗，同佢影相係超難影，因為佢唔會望鏡頭，只係周圍望，但又唔知佢望乜嫁bor！玩左個幾兩個鐘就走人啦，因為行到好累同埋好熱啦，同埋曬到亞B塊面仔紅卜卜啦！走既時候亞B就訓著左，其實我知佢想訓好耐，但佢又掛住周圍望，死頂唔訓覺，佢今日真係玩得好開心嫁！

因為尋日見亞B伏轉黎訓覺，今日就同浩B一齊去一田睇下有無野可以夾住佢唔比佢轉身。

出到去，我地就先去buger king醫肚，然後就去一田shopping。去到一田，見到好多BB玩具，我地就拎比亞B睇，佢一見到即係笑，笑到卡卡聲，之後我地拎開左，諗緊買邊樣比佢玩啦，佢即刻發爛炸喊，比返個玩具佢，佢即刻收聲仲笑，比佢激死！跟住睇埋個吹氣梳化，其實上次浩B己經想買，今次終於忍唔住買埋比佢，係一田買完野，就落斗斗城睇野，去到斗斗城又忍唔住買左個玩具比佢，加埋個夾夾野就閃啦。

尼張吹氣梳化真係要推介下，我覺得幾正呀！

http://baby.richell.co.jp/view.html?la=en&gid=46800

仲買左尼個野夾住佢，等佢轉唔到身

基本上每天好多時我都抱到亞B訓左，我就放返佢去床到訓，一向都無事發生。但係今日下午六點幾，我如常抱到佢訓著左就放返佢去床到，然後我就去玩電腦，過左陣，我入返房睇下佢有無野，我就見到佢伏左係到唔郁，當時真係嚇到我死，我以為佢自己轉身伏左係到，唔識反返轉，焗親抖唔到氣，我即刻冲入去抱佢時，佢就郁啦，我見佢識郁，我就唔抱佢啦，個心都定一定，然後我就叫浩B入房睇下佢訓成點，仲影想留埋罪證比佢大個睇返！

佢好好野嫁，我打算將佢個頭擰側D，等佢唔好焗親，佢自己抬高個頭，然後搵個靚位唔會焗住抖唔到氣訓返落去嫁，所以話會焗親佢都幾難！ 

今日Lunch Time 去左荷花買Combi 老鼠芝士玩具比BB玩，返到去浩B就拆比亞B玩，亞B見到個盒己經望到實一實，好似知道係玩具比佢玩咁，一拎出黎比佢玩，佢超開心，笑到哈哈聲，真係傻豬豬一名...XD

上個月，BB踏入四個月時，我就買了一罐梨蓉給BB試吃，她第一次吃就好喜歡吃啦，還搶着要吃，不過第一次的段片，浩B還未整好，所以今次我上載了第二次的片段給大家看。

BB今個月5號就踏入5個月了，我買了雪印的米糊給她吃，她都很喜歡吃呢，現在我差不多每晚都開一小碗給她，她也可以吃得完整碗啊，還想繼續吃呢！

浩B最近又買左部新玩具 - Panasonic TS1 防水相機，有半高清拍短片

佢話用尼部拍短片個容量細D，方便upload上youtube喎

尋日用黎拍亞B玩北斗翁，佢係咁講野......XD

我依家先知，原來按HD果個字，個HD字變左紅色後先係高清質數畫面，等我仲成日諗點解高清左D質數都咁差既...XD

尋晚終於開左個youtube account啦，今日試下整係個blog到，黎緊我就可以upload多D片比大家睇啦

你地睇下佢幾貪心，又想玩個翁翁，又要咬個牙膠

特別獻給TATA看.....XDDDD

二千年三月十日，我們一起了

二零零七年三月十日，金鐘AIA嘉年華幸福的摩天輪

二零零八年三月十日，我有了BB一個月

今年..........我放假在家中平淡地渡過

今日放假一天陪晴晴去打五合一同肺鏈針！

大約一點鐘，我地去到診所，我先入診所登記，而浩B就同晴晴係出面等，因為我地唔想BB逗留係診所太耐會野到病。等了一個人睇完，就到晴晴了！入到去浩B就抱住晴晴坐低，然後晴晴就要露出兩條大脾給醫生咭針針了。醫生先咭第一枝針，己經打左落大脾，但晴晴無反應喎，正當我以為佢咁叻豬唔喊既時候，佢就喊啦，枝針就打完先黎喊，反應慢半拍......-_-，然後醫生再打另一枝係另一隻大脾上，打晒兩枝針後，晴晴好快就收聲唔喊，都算叻豬豬啦！打完針，我地去買埋野食，然後就歸家去！今日晴晴打完針好累呢，係咁訓訓訓